هذا ماقد كتبوه الحاقدين .... برحيل الاسد سوف ترحلين

قصيده للسيدة زينب (ع)
__________
هذا ما قد كتبوهالحاقدين
برحيلالاسدسوف ترحلين
____________
اليوم لأرض الشام خل روحي تروح
الكلب زينب بلكي نداوي الجروح
للمصاب الصابها اوياها ننوح
الطم اوياها واهل دمعة العين
______________
روحي من ارض النجف ليج اعتنيت
شفت صحنج خالي والدمعه جرت
ولاعزه بالحضره لا ناعي اسمعت
اولا اصوات الي تنادي ياحسين
_____________
شاهدت للصحن خالي من الاحباب
وناشدت ومن القبر جاني الجواب
هددوا صحني يفجرونه الارهاب
ناس ما تحمل قيم لا عدها دين
_____________
كمت اصرخ ياعلي بحركة والم
وين داحي الباب صكار الزلم
الحرم زينب احضر وحامي الحرم
وسل فقارك يا امير المؤمنين
_____________
هيه اختمن هي بتمن ياعلي
حيف وسفه ام الأخوة تنولي
وانت ابوها وبيك غمها ينجلي
كوم صير الزينب الحصن الحصين
_____________
ليش اخت صاحب الغيره تنهضم
ليش بيها اتحكمت اهل الظلم
بيا شريعه ايهددوها بيا حكم
كوم حطمها عروش الظالمين
____________
عنها وين حسين بيها مادره
ولا اخوها الحيد سبع الكنطره
لسا بالشام العقيله امأسره
حشمتكم وينكم يالأخوه وين
___________
الشخصج ام استبرق التهدي الرثاء
ولله نرفعها ايدينا بالدعاء
مرقد السيدة يحفظه من البلاء
وبالفرج عجل يرب العالمين