حسين التميمي
عدد المساهمات : 239
تاريخ التسجيل : 30/10/2013
العمر : 42
الموقع : https://www.facebook.com/hussein.altamimi.7
 |  موضوع: قصيدتي بعنوان العجيبه بأختلاف الصدر والعجز  الأربعاء نوفمبر 13, 2013 11:25 am | |
|
بسم الله الرحمن الرحيم
اللهم صل على محمد وال محمد الطيبين الطاهرين
كل هذا الخراب البالوطن صارـ لان رايه الترف فوكاه شيعيه
ولهذا السبب دم الشعب سال ـ نهر تجري الدمه وتفجير ليليه
عجيبه الشيعه تترأس حكومه ـ وكظت كل العمر شيعتنه منسيه
عجيبه يرتفع للشيعه هالصوت ـ وعليهه انكلبت الارجاس حربيه
عجيبه ذكر ابو الحسنين باذان ـ وعدنه اشعار صارت باسمه يوميه
عجيبه الوطن كله ايصيح يحسين ـ وصارت بالعلن كل ساعه لطميه
عجيبه الكربله تزحف ملايين ـ تمشي بالعلن مو مشيه سريه
عجيبه اعلام عدنه مقري مسموع ـ عجيبه اتصير للشيعه فضائيه
ومن سمعو الشيع اتنادي يحسين ـ جن زلازال صار وهزه ارضيه
تهمونه بتوابع طائفيين ـ ويسمونه الروافض لو مجوسيه
واحنه اصل العروبه ومنّه نبعت ـ واحنه اللي وهبنه العرب جنسيه
نعم نرفض ظلم لو صار عالناس ـ ونرفض كل نجس نصاب عاريه
ونعم نرفض دعاة الدم والارهاب ـ مانرضه بمذله ولا عبوديه
احنه اصحاب حق وحقنه معروف ـ وحقوق النه بوطنه كلهه شرعيه
يردون العرق ايصير طشار ـ لا يردون لا حق ولا حريه
ويردون البشر ما تحلم بيوم ـ وتصبح من سراب احلام وهميه
ويردون الوطن خالي من الاشراف ـ ويظنونه ملك بس للوهابيه
بعد هيهات نسمح مجرم ايعود ـ ومانقبل ابد تحكمنه رجعيه
واذا صار اللي يردونه وفلا ايصيرـ يهب كل العراق بكل اهاليه
وتهب كل المقابرتلبس اجفان ـ تصيح بصوت هاذه اّنّه يبعثيه
واذا حان الامحان انصير طوفان ـ ونقلب هالارض والختمه شيعيه
| |
|
