لا طاب نوم اللي حياته خسارة

بقلم سعد الرفيعي

يا ما حلا ياعبيد في وقت الاسفار

جذب الفراش وشب ضو المنارة

مع دلة تصلى على واهج النار

ونجر ليا حرك تزايد عباره

في ربعة ما هي بتحجب عن الجار

لا من خطو اللاش ماشب ناره

النجر دق وجاوبه كل مرار

ما لفه الملفوف من دون جاره

واخير منها ركعتين بالاسحار

لا طاب نوم اللي حياتة خسارة

تلقاه في يوم يضيعن الافكار

يوم على المخلوق ما اطول نهاره

وقم في قصير البيت حشمة ومقدار

لو جار فادمح له ولو به خسارة

ترى النبي وصى على الجار لو جار

خذ الحذر ياعبيد قبل النذارة

رافق قوي الدين حفاظ الاسرار

ينفعك في يوم يجي به كرارة

ترى الهوى والغي هن شر الاشرار

ومن داس عار الناس داسوا لعاره

جنب ردي الكار ما فيه تعبار

ما فيه من فعل المناعير شارة

جنب عنه خله لقصاف الاعمار

واحفظ وصاتي يارفيع المنارة

واسلم ودم بالخير يا طير غيمار

وصلوا على المختار ما غار غارة